നിലമ്പൂര്‍: അബദ്ധത്തില്‍ കിണറ്റില്‍ വീണ വൃദ്ധയെ ഫയര്‍ഫോഴ്‌സ് രക്ഷപ്പെടുത്തി. അകമ്പാടത്തെ ആനകല്ലന്‍ ഫാത്തിമ (65) ആണ് വീട്ടുമുറ്റത്തെ കിണറ്റില്‍ വീണത്. ഇന്നലെ രാത്രി എട്ടേകാലോടെയാണ്  സംഭവം. 60 അടിയോളം താഴ്ചയുള്ള കിണറില്‍  അഞ്ചടിയോളം വെള്ളമുണ്ട്. കയറില്‍ പിടിച്ചു നിന്ന ഇവരെ എട്ടരയോടെ നിലമ്പൂര്‍ ഫയര്‍ ഫോഴ്‌സിലെ ലീഡിംഗ് ഫയര്‍മെന്‍ ഇന്‍ചാര്‍ജ് സിന്ധു, ഫയര്‍മാന്‍മാരായ അനൂപ്, പ്രശാന്ത്, റനീഷ്, ഡ്രൈവര്‍മാരായ ശ്രീജെഷ്, പ്രശാന്ത്, ഹോംഗാര്‍ഡുമാരായ ചാക്കോ, രവീന്ദ്രന്‍ എന്നിവര്‍ ചേര്‍ന്നാണ് രക്ഷപ്പെടുത്തിയത്.ഫാത്തിമക്ക് നിലമ്പൂര്‍ ജില്ലാ ആശുപത്രിയില്‍ പ്രാഥമിക ചികില്‍സ നല്‍കി