കോഴിക്കോട്: സാമുദായിക സൗഹാര്‍ദത്തിനായി ഒരുമിച്ചുപ്രവര്‍ത്തിക്കണമെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍.
സുപ്രഭാതം ഡയറക്ടറായ ഖത്തറിലെ വ്യവസായ പ്രമുഖനും ലോജിക് ബിസിനസ് ഗ്രൂപ്പ് ചെയര്‍മാനുമായ ടി.വി യൂസുഫിന് ഉപഹാരംനല്‍കി സംസാരിക്കുകയായിരുന്നു അദ്ദേഹം.  മതങ്ങള്‍ തമ്മിലുള്ള സൗഹാര്‍ദം ഊട്ടിയുറപ്പിക്കുന്നതില്‍  കുറഞ്ഞകാലംകൊണ്ട് 'സുപ്രഭാതം' വഹിച്ച പങ്ക് നിസ്തുലമാണ്. മതസൗഹാര്‍ദവും സാഹോദര്യവും നിലനിര്‍ത്താന്‍ എല്ലാവരും പരിശ്രമിക്കണമെന്നും തങ്ങള്‍ കൂട്ടിച്ചേര്‍ത്തു.
 ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍, സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, മെട്രോ മുഹമ്മദ് ഹാജി, എ.വി അബൂബക്കര്‍ ഖാസിമി ഖത്തര്‍, ബ്ലാത്തൂര്‍ അബൂബക്കര്‍ ഹാജി റിയാദ്, കുഞ്ഞിമുഹമ്മദ് ഹാജി ബഹ്‌റൈന്‍ എന്നിവര്‍ സംബന്ധിച്ചു. സുലൈമാന്‍ ദാരിമി ഏലംകുളം സ്വാഗതം പറഞ്ഞു.