ബ്രിസ്‌ബേന്‍: ആസ്‌ത്രേലിയ എയ്‌ക്കെതിരായ രണ്ടാം ചതുര്‍ദിന ക്രിക്കറ്റ് ടെസ്റ്റില്‍ തോല്‍വി ഒഴിവാക്കാന്‍ ഇന്ത്യ എ പൊരുതുന്നു. ഇന്ത്യയുടെ ആദ്യ ഇന്നിങ്‌സ് സ്‌കോറായ 169 റണ്‍സിനെതിരേ 435 റണ്‍സെടുത്ത ആസ്‌ത്രേലിയ ആദ്യ ഇന്നിങ്‌സില്‍ 266 റണ്‍സിന്റെ ലീഡ് സ്വന്തമാക്കി.  മൂന്നാം ദിനം കളിയവസാനിക്കുമ്പോള്‍  158 റണ്‍സിനിടെ നാലു വിക്കറ്റ് വീഴ്ത്തിയിട്ടുണ്ട് ആസ്‌ത്രേലിയ.
ആറു വിക്കറ്റ് ശേഷിക്കെ തോല്‍വി ഒഴിവാക്കാന്‍ 108 റണ്‍സ് ആവശ്യമാണ് ഇന്ത്യക്ക്. പുറത്താകാതെ നില്‍ക്കുന്ന അഖില്‍ ഹെര്‍വാദ്ക്കറി(82*)ലാണ് ഇന്ത്യയുടെ പ്രതീക്ഷ. 188 നേരിട്ട ഹെര്‍വാദ്ക്കര്‍ ആറു ബൗണ്ടറിയും മൂന്നു സിക്‌സറും അടിച്ചിട്ടുണ്ട്. സഞ്ജു സാംസണ്‍(34*) ആണ് ഹെര്‍വാദ്ക്കറിനൊപ്പം ക്രീസിലുള്ളത്.