വടകര: മണിയൂര്‍ ഗവ. ഹയര്‍സെക്കന്‍ഡറി സ്‌കൂള്‍ സുവര്‍ണ ജൂബിലി ആഘോഷത്തിന്റെ ഭാഗമായി സംഘടിപ്പിക്കുന്ന നാടക കളരിക്കു തുടക്കമായി. കഥകളി ആചാര്യന്‍ ഗുരു ചേമഞ്ചേരി കുഞ്ഞിരാമന്‍ നായര്‍ ഉദ്ഘാടനം നിര്‍വഹിച്ചു. പി.ടി.എ പ്രസിഡന്റ് കെ. സത്യന്‍ അധ്യക്ഷനായി. നാടകപ്രവര്‍ത്തകന്‍ മുഹമ്മദ് പേരാമ്പ്ര മുഖ്യപ്രഭാഷണം നടത്തി. മുന്‍കാല പ്രവര്‍ത്തകരെ ചടങ്ങില്‍ ആദരിച്ചു. പി.എം ശശി, എന്‍.എം രവീന്ദ്രന്‍, വി.കെ രാജീവന്‍, ഇ.എം ശോഭന, പി.കെ രാധാകൃഷ്ണന്‍ സംസാരിച്ചു. കെ.പി സജീവനാണ് ക്യാംപ് നിയന്ത്രിക്കുന്നത്.