വടകര: ബ്ലോക്ക് പഞ്ചായത്തിന്റെ നേതൃത്വത്തില്‍ ചോമ്പാലയില്‍ ആര്‍ട്ട് ഗാലറി നിര്‍മിക്കുന്നു. ഇതിനായി ബ്ലോക്ക് ഓഫിസിന്റെ പഴയ കെട്ടിടം ഉടന്‍ സജ്ജമാക്കും. തിങ്കളാഴ്ച തന്നെ പ്രവൃത്തി തുടങ്ങാനാണ് തീരുമാനം. നിര്‍മാണ പ്രവൃത്തി ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റി ഏറ്റെടുത്തിട്ടുണ്ട്. ആര്‍ട്ട് ഗാലറിയുടെ രൂപരേഖയും തയാറായിട്ടുണ്ട്.
തുടര്‍ പ്രവര്‍ത്തനങ്ങള്‍ക്കായി ബ്ലോക്ക് പഞ്ചായത്ത് പ്രസിഡന്റ് കോട്ടയില്‍ രാധാകൃഷ്ണന്‍ (ചെയ), ജഗദീഷ് പാലയാട്ട് (കണ്‍) എന്നിവര്‍ ഭാരവാഹികളായുള്ള കമ്മിറ്റിക്കു രൂപം നല്‍കി. കഴിഞ്ഞ ദിവസം ബ്ലോക്ക് ഓഫിസ് ഹാളില്‍ ചേര്‍ന്ന ചിത്രകാരന്മാരുടെയും കലാകാരന്‍മാരുടെയും ജനപ്രതിനിധികളുടെയും യോഗത്തിലാണ് തുടര്‍ പ്രവര്‍ത്തനങ്ങള്‍ക്ക് രൂപം നല്‍കിയത്.