കോഴിക്കോട്: സ്വകാര്യബസിലെ കണ്ടക്ടറും ഡ്രൈവറും മോശമായി പെരുമാറിയതിനെ തുടര്‍ന്ന് പൊലിസില്‍ പരാതി നല്‍കിയിട്ടും നടപടിയെടുക്കുന്നില്ലെന്നു പരാതി. കഴിഞ്ഞ മാസം 23ന് മുക്കം-കൂടരഞ്ഞി റൂട്ടിലോടുന്ന ദേവി ട്രാവല്‍സ് ബസില്‍ യാത്ര ചെയ്തിരുന്ന മുക്കം സ്വദേശികളായ ശ്രീജ, അമ്മ നാരായണി എന്നിവരോടാണ് ബസിലെ കണ്ടക്ടറും ഡ്രൈവറും മോശമായി പെരുമാറിയത്.
ഇവരെ ബസില്‍ പൂട്ടിയിട്ടതായും പരാതിയില്‍ പറയുന്നു. ഇതിനെതിരേ മുക്കം പൊലിസില്‍ പരാതി നല്‍കിയിരുന്നു. സംഭവത്തില്‍ എഫ്.ഐ.ആറും രേഖപ്പെടുത്തി. എന്നാല്‍ പ്രതികള്‍ക്കെതിരേ മറ്റു നടപടികളൊന്നുമുണ്ടായിട്ടില്ല. മുഖ്യമന്ത്രി, ജില്ലാ കലക്ടര്‍, ആര്‍.ടി.ഒ എന്നിവര്‍ക്കെല്ലാം പരാതി നല്‍കിയതായി ശ്രീജ അറിയിച്ചു.