കണ്ണൂര്‍: സമസ്ത കേരളാ ജംഇയ്യത്തുല്‍ ഉലമാ ജില്ലാകമ്മിറ്റി അറബിക് കോളജുകളില്‍ പഠിക്കുന്ന മുതഅല്ലിമുകള്‍ക്കു നല്‍കിവരുന്ന സമസ്ത സ്‌കോളര്‍ഷിപ്പ് വിതരണം സമസ്ത സെക്രട്ടറി പി.പി ഉമര്‍ മുസ്‌ലിയാര്‍ നിര്‍വഹിച്ചു. പാപ്പിനിശ്ശേരി ജാമിഅ അസ്അദിയ്യ, നന്തി ജാമിഅ ദാറുസലാം, ചെമ്മാട് ദാറുല്‍ഹുദാ ഇസ്‌ലാമിക് സര്‍വകലാശാല, ചപ്പാരപ്പടവ് ഇര്‍ഫാനിയ്യ, പട്ടിക്കാട് ജാമിഅ നൂരിയ്യ, മാണിയൂര്‍ ബുസ്താനുല്‍ ഉലൂം, വളാഞ്ചേരി മര്‍ക്കസു തര്‍ബിയത്തില്‍ ഇസ്‌ലാമിയ്യ, കുറ്റിക്കാട്ടൂര്‍ ജാമിഅ യമാനിയ്യ, കൂത്തുപറമ്പ് ശംസുല്‍ ഉലമ അക്കാദമി, തളിപ്പറമ്പ് ഖുവ്വത്തുല്‍ ഇസ്‌ലാം, താനൂര്‍ ഇസ്‌ലാഹുല്‍ ഉലൂം, മുണ്ടക്കുളം ജലാലിയ്യ ശരീഅത്ത് എന്നീ കോളജുകളില്‍ പഠിക്കുന്ന മുഅല്ലിംകള്‍ക്കാണു സ്‌കോളര്‍ഷിപ്പ് നല്‍കിയത്.