മട്ടാഞ്ചേരി: തോപ്പുംപടിയില്‍ പൂട്ടിക്കിടന്ന വീടിന്റെ ജനല്‍ തകര്‍ത്ത് മുപ്പത് പവനും പതിനായിരം രൂപയും കവര്‍ന്ന സംഭവത്തിന് പിന്നില്‍ കുട്ടി കുറ്റവാളികളെന്ന് സൂചന. സംഭവത്തില്‍ നേരത്തേ മോഷണക്കേസില്‍ പൊലിസ് പിടികൂടിയ ഏഴ് കുട്ടി കുറ്റവാളികള്‍ പൊലിസ് നിരീക്ഷണത്തിലാണെന്നാണ് വിവരം.
തോപ്പുംപടി ബിടിആര്‍ റോഡില്‍ പുത്തന്‍ പറമ്പില്‍ ജേക്കബ്ബ് പ്രകാശിന്റെ വീട്ടിലാണ് തിരുവോണ ദിവസം മോഷണം നടന്നത്. പ്രകാശും കുടുംബവും വടുതലയിലുള്ള ഭാര്യയുടെ വീട്ടില്‍ പോയ സമയത്താണ് സംഭവം. ഉത്രാട ദിവസം രാവിലെ പോയ കുടുംബം തിരുവോണ ദിവസം രാത്രിയാണ് തിരിച്ചെത്തുന്നത്. അപ്പോഴാണ് മോഷണ വിവരം അറിയുന്നത്.
പള്ളുരുത്തി സര്‍ക്കിള്‍ ഇന്‍സ്‌പെക്ടര്‍ കെ.ജി അനീഷിന്റെ നേതൃത്വത്തിലാണ് അന്വേഷണം പുരോഗമിക്കുന്നത്. സ്ഥലത്തെ കുട്ടി കുറ്റവാളികള്‍ ചിലരെക്കുറിച്ചുള്ള വിവരം പൊലിസിന് ലഭിച്ചിട്ടുï്. ഇവരെ നിരീക്ഷിക്കാന്‍ പ്രത്യേക സംഘത്തെ നിയോഗിച്ചതായാണ് വിവരം. പത്തോളം പേരെ കേസില്‍ ചോദ്യം ചെയ്തതായും സൂചനയുï്. സംഭവത്തിന് ശേഷം നാട്ടില്‍ നിന്ന് കാണാതായവരെ സംബന്ധിച്ചും വിശദമായ അന്വേഷണം നടത്തുന്നുï്.
ജനലിന്റെ രï് അഴികള്‍ നീക്കം ചെയ്ത ശേഷമാണ് പ്രതികള്‍ അകത്ത് കടന്നിട്ടുള്ളത്. ചെറിയ അഴിയിലൂടെ അകത്ത് കടന്നത് സംബന്ധിച്ചു ചിലരുടെ ശാരീരിക ഘടനയും പൊലിസ് മനസ്സിലാക്കിയിട്ടുï്.മോഷണം നടന്ന വീട്ടിലെ വിവരങ്ങള്‍ കൃത്യമായി മനസ്സിലാക്കിയ ചിലര്‍ മോഷ്ടാക്കള്‍ക്ക് വിവരം നല്‍കിയതായും പൊലിസ് സംശയിക്കുന്നുï്.
മുന്‍കാലങ്ങളില്‍ സമാനമായ രീതിയില്‍ കേസിലുള്‍പ്പെട്ടവരെക്കുറിച്ചുള്ള വിവരങ്ങളും പൊലിസ് ശേഖരിച്ചിട്ടുï്. സംഭവത്തില്‍ പൊലിസ് അന്വേഷണം ഊര്‍ജ്ജിതമാക്കിയിരിക്കുകയാണ്.