തൊടുപുഴ: ജില്ലയില്‍ സ്ഥിര താമസക്കാരായ പെന്‍ഷനും മറ്റ് അനുകൂല്യങ്ങള്‍ ലഭിക്കാത്ത സാമ്പത്തിക ബുദ്ധിമുട്ട് ഉള്ളവരുമായ വിമുക്തഭടന്മാര്‍ക്കും അവരുടെ വിധവകള്‍ക്കും പ്രായം, വരുമാന പരിധി, സേവനകാലം എന്നിവക്ക് വിധേയമായി 2016 ലെ സൈനിക ബോര്‍ഡ് മീറ്റിംഗിനോടനുബന്ധിച്ച് സാമ്പത്തിക സഹായം അനുവദിക്കുന്നതിന് അപേക്ഷ ക്ഷണിച്ചു. വരുമാന സര്‍ട്ടിഫിക്കറ്റ്, വിമുക്തഭട തിരിച്ചറിയല്‍ കാര്‍ഡ,് ഡിസ്ചാര്‍ജ് ബുക്ക് എന്നിവ സഹിതം 25 നകം ജില്ലാ സൈനിക ക്ഷേമ ഓഫീസില്‍ അപേക്ഷ ലഭിക്കണം. കൂടുതല്‍ വിവരങ്ങള്‍ക്ക് 04862 222904.