കട്ടപ്പന: ഓട്ടോറിക്ഷയും കാറും കൂട്ടിയിടിച്ചു അഞ്ചുപേര്‍ക്ക് പരുക്കേറ്റു. ഓട്ടോറിക്ഷ ഡ്രൈവര്‍ തൊവരയാര്‍ ഒഴുങ്ങാലില്‍ മാത്യു, വെള്ളയാംകുടി പാറോലിക്കല്‍ മിനി മോഹനന്‍, വെള്ളയാംകുടി ഈട്ടിക്കല്‍ പുത്തന്‍പുരയ്ക്കല്‍ ലില്ലിക്കുട്ടി, മുളകരമേട് വടക്കേല്‍ ഷാന്റി സന്തോഷ്, ഷാന്റിയുടെ ഏഴുവയസുള്ള മകന്‍ ടോം സന്തോഷ് എന്നിവര്‍ക്കാണ് പരുക്കേറ്റത്.
ഇന്നലെ ഉച്ചയ്ക്ക് 12-ഓടെ കട്ടപ്പന - കുട്ടിക്കാനം റോഡില്‍ ഇരുപതേക്കറിനു സമീപമാണ് അപകടമുïായത്. കൊല്ലത്തുനിന്നും മൂന്നാറിനു പോവുകയായിരുന്ന കാറും കട്ടപ്പനയില്‍നിന്നും ഇരുപതേക്കറിനു പോയ ഓട്ടോറിക്ഷയും തമ്മിലാണ് കുട്ടിയിടിച്ചത്. കാറിന്റെ നിയന്ത്രണംവിട്ട് ഓട്ടോറിക്ഷയില്‍ ഇടിക്കുകയായിരുന്നെന്നു ദൃക്‌സാക്ഷികള്‍ പറഞ്ഞു. പരിക്കേറ്റവരെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു