നെടുമ്പാശ്ശേരി:  വിദേശത്ത് നിന്നും വന്ന ആള്‍  ലുക്ക് ഔട്ട് നോട്ടിസിനെ തുടര്‍ന്ന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എമിഗ്രേഷന്‍ വിഭാഗത്തിന്റെ പിടിയിലായി. തിരുവനന്തപുരം കടയ്ക്കാവൂര്‍ സ്വദേശി ഷാജു(39) ആണ് പിടിയിലായത്. അടിപിടിക്കേസില്‍ ഐ.പി.സി 324, 308 വകുപ്പുകള്‍ ചുമത്തി കടയ്ക്കാവൂര്‍ പൊലിസ് ഇയാള്‍ക്കെതിരേ ചാര്‍ജ് ചെയ്തിരുന്ന കേസിലാണ് ലുക്ക് ഔട്ട് നോട്ടിസ് പുറപ്പെടുവിച്ചിരുന്നത്.