വാഷിങ്ടണ്‍: അമേരിക്കയില്‍ വ്യത്യസ്ത സംഭവങ്ങളില്‍ നാലു പൊലിസുകാര്‍ക്കും നാലു സിവിലിയന്‍മാര്‍ക്കും വെടിയേറ്റു.
ഫിലാഡല്‍ഫിയ, പെനിസില്‍വാനിയ, ഫോര്‍ട്‌വര്‍ത്ത്, ടെക്‌സാസ് എന്നിവിടങ്ങളിലാണ് വെടിവയ്പ് നടന്നത്. ഫിലാഡല്‍ഫിയയില്‍ 19 കാരനാണ് വെടിയുതിര്‍ത്തത്. പലതവണ ഇയാള്‍ വെടിവയ്പ് നടത്തിയെന്നും ബുള്ളറ്റ്പ്രൂഫ് ജാക്കറ്റ് ധരിച്ചിരുന്നുവെന്നും പൊലിസ് കമ്മിഷണര്‍ റിച്ചാര്‍ഡ് റോസ് പറഞ്ഞു.
പെനിസില്‍വാനിയ യൂനിവേഴ്‌സിറ്റിയിലെ സുരക്ഷാ ജീവനക്കാരനും മുന്‍ പൊലിസ് ഉദ്യോഗസ്ഥനുമായ എഡ് മില്ലറിനും വെടിയേറ്റു. പൊലിസ് നടത്തിയ പ്രത്യാക്രമണത്തില്‍ യുവതി കൊല്ലപ്പെട്ടു. മില്ലറിനെ ആശുപത്രിയില്‍ പ്രവേശിപ്പിച്ചു. ഫോര്‍ട്‌വര്‍ത്തില്‍ രണ്ടു പൊലിസുകാര്‍ക്ക് വെടിയേറ്റു. ആത്മഹത്യാ ഭീഷണി മുഴക്കിയയാളെ രക്ഷപ്പെടുത്താന്‍ വീട്ടിലെത്തിയ പൊലിസുകാര്‍ക്കാണ്  വെടിയേറ്റത്. ഒരു പൊലിസുകാരന് പലതവണ വെടിയേറ്റു. ഇയാളുടെ നില ഗുരുതരമാണ്.