പനാജി: തനിക്കെതിരേയോ പ്രധാനമന്ത്രി നരേന്ദ്ര മോദിക്കെതിരേയോ ഇനിയും ശബ്ദമുയര്‍ത്തിയാല്‍ ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ നാക്കരിയുമെന്ന് പ്രതിരോധമന്ത്രി മനോഹര്‍ പരീക്കര്‍.
ഗോവയില്‍ ബി.ജെ.പി കോര്‍ കമ്മിറ്റി അംഗങ്ങളുടെ യോഗത്തിലാണ് പരീക്കര്‍ കെജ്‌രിവാളിനെതിരേ ഭീഷണി മുഴക്കിയത്. ഡല്‍ഹിയില്‍ കെജ്‌രിവാള്‍ തുടര്‍ച്ചയായി മോദിക്കെതിരേ സംസാരിക്കുന്നു. ഗോവയിലാകട്ടെ കെജ്‌രിവാളിന്റെ ആക്രമണം തനിക്കെതിരേയാണ്.
അയാളുടെ നാക്ക് ഇത്രയും വളര്‍ന്നതിനാല്‍ മുറിച്ചുകളയാന്‍ സമയമായിട്ടുണ്ട്. കെജ്‌രിവാള്‍ രോഗശയ്യയിലായതില്‍ തനിക്കു സഹതാപമുണ്ടെന്നും പരീക്കര്‍ കൂട്ടിച്ചേര്‍ത്തു.