മലപ്പുറം: പ്രധാന മന്ത്രി നരേന്ദ്രമോഡി കോഴിക്കോട് നടത്തുന്ന സന്ദര്‍ശനമായി ബന്ധപ്പെട്ടു ജില്ലയില്‍ നടത്തേണ്ട മുന്നൊരുക്കങ്ങള്‍ ചര്‍ച്ച ചെയ്യാന്‍ ജില്ലാ കലക്ടര്‍ എ. ഷൈനമോളുടെ നേതൃത്വത്തില്‍ യോഗം ചേര്‍ന്നു. കലക്ടറേറ്റില്‍ നടന്ന യോഗത്തില്‍ ജില്ലാ പൊലിസ് മേധാവി ദേബേഷ് കുമാര്‍ ബെഹ്‌റയും പങ്കടുത്തു.
പ്രധാനമന്ത്രി സപ്തംബര്‍ 24 നു വൈകുന്നേരം 4.25നു കോഴിക്കോട് എയര്‍പോര്‍ട്ടിലെത്തും. 25 ന് വൈകിട്ട് 8.55 നു തിരിച്ചുള്ള യാത്രയും ഉണ്ടാവും.

സുരക്ഷാ ക്രമീകരണങ്ങളുടെ ഭാഗമായി എസ്.പി.ജി.തലവന്‍ പങ്കെടുക്കുന്ന പ്രത്യേക യോഗം 21 നു രാവിലെ 9.30 നു എയര്‍പോര്‍ട്ടില്‍ നടക്കും.