എടപ്പാള്‍: ഓടികൊണ്ടിരിക്കുന്ന ബൈക്കിന് കുറുകെ നായ ചാടി അമ്മക്കും കുഞ്ഞിനും ബന്ധുവിനും പരുക്കേറ്റു. പാറപ്പുറം കുറ്റിപ്പുറത്ത് വളപ്പില്‍ റുബീന (30), മകള്‍ സെല്‍ന(4), ബന്ധുവായ സുഹൈല്‍ എന്നിവര്‍ക്കാണ് പരുക്കേറ്റത്. ബന്ധുവീട്ടിലേക്ക് പോകുന്നതിനിടയില്‍ ഇന്നലെ രാത്രി എട്ടോടെ പാറപ്പുറത്ത് വച്ചാണ് അപകടം. റുബീനക്ക് കൈക്കും മകള്‍ സെല്‍നക്ക് തലക്കുമാണ് പരുക്കേറ്റത്. പരുക്കേറ്റവരെ എടപ്പാളിലെ സ്വകാര്യ ആശുപത്രിയിലും തുടര്‍ന്ന് കൂടുതല്‍ ചികിത്സക്കായി വളാഞ്ചേരിയിലെ ആശുപത്രിയിലും പ്രവേശിപ്പിച്ചു.