കൊണ്ടോട്ടി: ദേശീയ പാത 213ല്‍ കൊണ്ടോട്ടി കുറുപ്പത്ത് കണ്ടെയ്‌നര്‍ ലോറി കാറിലിടിച്ചു. ഇന്നലെ രാത്രി പത്തോടെയാണ് സംഭവം. കോഴിക്കോട് ഭാഗത്ത് നിന്ന് മലപ്പുറം ഭാഗത്തേക്ക് വരികയായിരുന്ന കണ്ടെയ്‌നര്‍ ലോറി എതിരെ വന്ന വാഗണര്‍ കാറിലിടിക്കുകയായിരുന്നു.
ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. കാറിനുളളില്‍ കുടുങ്ങിയയാളെ എറെ പണിപെട്ടാണ് പുറത്തെടുത്തത്. ഇയാളെ ആശുപത്രിയില്‍ പ്രവേശിപ്പിച്ചു. അപകടത്തെ തുടര്‍ന്ന് ദേശീയപാതയില്‍ ഏറെ നേരം ഗതാഗതക്കുരുക്ക് അനുഭവപ്പെട്ടു. കൊണ്ടോട്ടി പൊലിസെത്തി അപകടത്തില്‍ പെട്ട വാഹനങ്ങള്‍ മാറ്റി