മങ്കട: അങ്ങാടിപ്പുറം പഞ്ചായത്തിലെ അഞ്ഞൂറോളം പേരുടെ പെന്‍ഷന്‍ വിതരണം ചെയ്യാനാവാതെ കെട്ടിക്കിടക്കുന്നു. അങ്ങാടിപ്പുറം സര്‍വീസ് സഹകരണ ബാങ്ക് വഴി വിതരണം ചെയ്യുന്ന ക്ഷേമ പെന്‍ഷനുകളാണ് ഇനിയും വിതരണം ചെയ്യാന്‍ സാധിക്കാത്തത്.
പെന്‍ഷന്‍ വിതരണം ചെയ്യുന്നതിനായി സര്‍ക്കാര്‍ സമര്‍പ്പിച്ച പട്ടികയില്‍ മേല്‍വിലാസമില്ലാതെ ഗുണഭോക്താവിന്റെ പേരും സ്ഥലവും മാത്രം രേഖപ്പെടുത്തിയ കേസുകളാണ് ഇനിയും വിതരണം ചെയ്യാന്‍ സാധിക്കാത്തത്.
പെന്‍ഷന്‍ ലഭിക്കാത്തവര്‍ ബാങ്കുമായി ബന്ധപ്പെടണമെന്ന അറിയിപ്പ് നല്‍കിയിട്ടും ഒട്ടേറെ പേര്‍ പെന്‍ഷന്‍ ആനുകൂല്യം കൈപ്പറ്റിയിട്ടില്ല.
468 പേരുടെ പെന്‍ഷന്‍ തുക ഇനിയും വിതരണം ചെയ്യാനുണ്ട്. ആയതിനാല്‍ പെന്‍ഷന്‍ തുക ഇനിയും കിട്ടിയിട്ടില്ലാത്തവര്‍ ബാങ്കുമായി ഉടന്‍ ബന്ധപ്പെടണമെന്ന് ചീഫ് എക്‌സിക്യുട്ടീവ് ജോണ്‍ മാത്യു അറിയിച്ചു.