വിഴിഞ്ഞം: കുടുംബ വഴക്കിനെ തുടര്‍ന്നുണ്ടായ സംഘര്‍ഷത്തില്‍ ഭാര്യാ സഹോദരിയുടെ വെട്ടേറ്റ് യുവാവിന് പരുക്ക്. വിഴിഞ്ഞം അടിമലത്തുറ സ്വദേശി സ്റ്റീഫനെ (42) മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സംഭവവുമായി ബന്ധപ്പെട്ട് സ്റ്റീഫന്റെ ഭാര്യ വിമല സഹോദരി അനിത എന്നിവരെ വിഴിഞ്ഞം പൊലിസ് കസ്റ്റഡിയിലെടുത്തു.ഇന്നലെ രാവിലെ ഏഴരയോടെയാണ് സംഭവം.ഭാര്യയുമായി പിണങ്ങിക്കഴിയുന്ന ഇയാള്‍ ഇന്നലെ രാവിലെ മദ്യലഹരിയില്‍ ഭാര്യാവീട്ടിലെത്തി ബഹളമുണ്ടാക്കുകയും വീട്ടുകാരെ ആക്രമിക്കാന്‍ ശ്രമിക്കുകയും ചെയ്യുന്നതിനിടെയാണ് ഇയാള്‍ക്ക് വെട്ടേറ്റത്. സംഭവം അറിഞ്ഞെത്തിയ വിഴിഞ്ഞം പോലീസിന്റെ ജീപ്പിലാണ് സ്റ്റീഫനെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. പരുക്ക് ഗുരുതരമല്ലെന്നും പ്രതികള്‍ക്കെതിരെ കേസ് രജിസ്റ്റര്‍ ചെയ്തതായും വിഴിഞ്ഞം എസ്.ഐ രതീഷ് പറഞ്ഞു.