അഞ്ചല്‍: അഞ്ചലിന്റെ വിവിധ ഭാഗങ്ങളില്‍ തെരുവുനായ ശല്യം രൂക്ഷം. കൂടുതലും വളര്‍ത്തു മൃഗങ്ങളാണ് നായ്ക്കളുടെ ആക്രമണത്തിനിരയാകുന്നത്.
ഏതാനും ദിവസം മുമ്പ് കരുകോണില്‍ ആക്രമണത്തിനിരയായി ആടുകള്‍ ഇപ്പോഴും ചികിത്സയിലാണ്. ഇവയെ പരിചരിച്ചവര്‍ പേവിഷ ബാവയ്ക്കുള്ള കുത്തിവയ്‌പ്പെടുത്തിട്ടുണ്ട്. കഴിഞ്ഞ ദിവസം ഇടമുളയ്ക്കല്‍ കോട്ടപ്പൊയ്കപ്രദേശത്തും തെരുവുനായ്ക്കളുടെ ആക്രമണമുണ്ടായി.
കൂട്ടമായെത്തിയ നായ്ക്കള്‍ ആട്ടിന്‍ കുട്ടികള്‍ കോഴി, താറാവ് തുടങ്ങിയവയെ കൊന്നു. ഒറ്റയ്ക്ക് നടന്നു പോകുന്നവരും കുട്ടികളും ഇവയുടെ ആക്രമണത്തിനിരയാകുന്നുണ്ട്.