വാടാനപ്പള്ളി: വിശ്വകര്‍മ്മ സര്‍വീസ് സൊസൈറ്റി ചാവക്കാട് താലൂക്ക് വാര്‍ഷികവും കുടുംബ സംഗമവും മുരളി പെരുനെല്ലി എം.എല്‍.എ ഉദ്ഘാടനം ചെയ്തു. ഏങ്ങണ്ടിയൂര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ് ഹാളില്‍ നടന്ന സമ്മേളനത്തില്‍ എന്‍. മോഹനന്‍ അധ്യക്ഷനായി.
 കലാസാഹിത്യ മത്സര വിജയികള്‍ക്കുള്ള സമ്മാനങ്ങള്‍ ഏങ്ങണ്ടിയൂര്‍ പഞ്ചായത്ത് പ്രസിഡന്റ് കെ.വി അശോകന്‍ വിതരണം ചെയ്തു. കെ.ഡി വീരമണി, വി.ആര്‍ മനോജ്, കെ.എ ഹാറൂണ്‍ റഷീദ്, ടി.ആര്‍ വേണുഗോപാല്‍, വി.കെ. വിജയന്‍, വി.ആര്‍. ഗിരീശന്‍, പുഷ്പവല്ലി ചന്ദ്രന്‍ എന്നിവര്‍ സംസാരിച്ചു. സമ്മേളനത്തിന് മുന്നോടിയായി ഘോഷയാത്രയും നടന്നു.