മണ്ണാര്‍ക്കാട്: ഭിന്നശേഷികാര്‍ക്ക്എംപ്ലോയ്‌മെന്റ് എക്‌സ്‌ചെയ്ഞ്ചുകളില്‍ പ്രത്യേക സീനിയോറിറ്റി ലിസ്റ്റുïാക്കണമെന്ന് കേരള വികലാംഗ അസോസിയേഷന്റെ നേതൃത്വത്തില്‍ നടത്തിയ ഉദ്യോഗസ്ഥ സംഗമം ആവശ്യപ്പെട്ടു.
നിലവിലുളള 3ശതമാനം സംവരണം 10 ശതമാനമാക്കി ഉയര്‍ത്തണമെന്നും, കുറഞ്ഞ സര്‍വ്വീസുളളവര്‍ക്ക് മുഴുവന്‍ പെന്‍ഷന്‍ നല്‍കണമെന്നും, യാത്രാബത്ത 800 രൂപയില്‍ നിന്നും 1500 രൂപയാക്കി ഉയര്‍ത്തണമെന്നും സംഗമം പ്രമേയത്തിലൂടെ ആവശ്യപ്പെട്ടു.
മണ്ണാര്‍ക്കാട് ജി.എം.യു.പി സ്‌കൂള്‍ ഓഡിറ്റോറിയത്തില്‍ നടന്ന സംഗമം കേരള വികലാംഗ അസോസിയേഷന്‍ സംസ്ഥാന സെക്രട്ടറി മടവൂര്‍ സൈനുദ്ദീന്‍ ഉദ്ഘാടനം ചെയ്തു. ജില്ല പ്രസിഡന്റ് ഇ. യൂസഫ് പാലക്കടവ് അധ്യക്ഷനായി. സംസ്ഥാന പ്രസിഡന്റ് കെ.പി മുഹമ്മദ്, ജില്ല സെക്രട്ടറി ടി.കെ നസീമ, വി. രാധാകൃഷ്ണന്‍, മണികണ്ഠന്‍, രമണി, സാബിറ, കെ. സോമന്‍ സംബന്ധിച്ചു.