പെരുവെമ്പ്: കൊയ്ത്തുയന്ത്രം ലഭിച്ചില്ല .വിളഞ്ഞപാടങ്ങള്‍ വീണടിഞ്ഞുതുടങ്ങി. പെരുവെമ്പ്, പുതുനഗരം, കൊടുവായൂര്‍, പട്ടഞ്ചേരി, പെരുമാട്ടി എന്നീ പഞ്ചായത്തുകളിലാണ് വിളവെടുപ്പിന് തയ്യാറായ നെല്‍പാടങ്ങളില്‍ കൊയ്ത്തുയന്ത്രങ്ങള്‍ ലഭിക്കാത്തതിനാല്‍ പ്രതിസന്ധികളിലായിട്ടുള്ളത്.
പഞ്ചായത്തുകള്‍ തോറും ജനകീയാസൂത്രണ പദ്ധതികളിലൂടെ കൊയ്ത്തു യന്ത്രങ്ങള്‍ നല്‍കീട്ടുïെങ്കിലും ഇവ കൃത്യമായി ഉപയോഗിക്കാത്തതിനാല്‍ കട്ടപുറത്തായ നിലയിലാണുള്ളത്.
കൃഷിഭവനുകളുടെ മേല്‍നോട്ടത്തില്‍ നല്‍കിയ കൊയ്ത്തുയന്ത്രങ്ങളെ ചില കര്‍ഷകര്‍ സ്വന്തമായി ഉപയോഗിക്കുന്നതിനാല്‍ ആവശ്യക്കാര്‍ക്ക് ലഭിക്കാത്ത അവസ്ഥയും നിലവിലുïെന്ന് കര്‍ഷകര്‍ പറയുന്നു. തൊഴില്‍ സേനകളും ബ്ലോക്ക് പഞ്ചായത്തുതലങ്ങളില്‍ കാര്‍ഷികയന്ത്രങ്ങള്‍ വാടകക്ക് നല്‍കുന്ന സംവിധാനങ്ങള്‍ ഉïായിട്ടും വിളവെടുപ്പിന് ആവശ്യമായ കൊയ്ത്തു യന്ത്രങ്ങള്‍ ലഭിക്കാത്തത് ചെറുകിട കര്‍ഷകരെയാണ് വെട്ടിലാക്കിയത്.
തമിഴ്‌നാട്ടില്‍നിന്നും ഇത്തവണ കൊയ്ത്തു യന്ത്രങ്ങള്‍ കൂടുതലായി എത്താത്തതിനാല്‍ തൊഴിലാളികളെ ഉപയോഗപ്പെടുത്തി നെല്ലു കൊയ്‌തെടുക്കുവാനുള്ള തയ്യാറെടുപ്പിലാണ് കര്‍ഷകര്‍.