പാലക്കാട്: തലമുറകളായി കൈ മാറികിട്ടിയ രïര ഏക്കറില്‍ പൊന്നുവിളയിക്കുകയാണ് വടത്തോടിലെ അനന്ത നാരായണനും, കുടുംബവും. അച്ഛനും, അമ്മയും മക്കളും അടങ്ങുന്ന ഈ കുടുംബം അനന്ത നാരായണന്  പിന്‍തുണയുമായി രംഗത്തുള്ളതിനാല്‍ ഇവിടെ വിളയാത്ത കൃഷി ഇല്ല.
മുന്‍പ് മാവും, പ്ലാവും, തെങ്ങും, കവുങ്ങും, നെല്ലും, കടലയും കൃഷി ചെയ്തിരുന്നു. വൈദ്യുതി ടവര്‍ കൃഷിയിടത്തിലൂടെ കടന്നുപോകുന്നതിനായി ഫലവൃക്ഷങ്ങള്‍ ഉള്‍പ്പടെ മുറിക്കപ്പെട്ടു. പ്രതീക്ഷ കൈവിടാതെ മരങ്ങളുടെ വേരും മററും ഇളക്കി മാറ്റി. നിരപ്പാക്കിയ സ്ഥലത്ത് അഞ്ചു വര്‍ഷമായി പച്ചക്കറി കൃഷി തുടങ്ങി. സ്വന്തമായി കുളവും ട്രാക്ട്ടരും കൈവശമുള്ളത് ഈ യുവകര്‍ഷകന് കരുത്തു പകര്‍ന്നു.
മണ്ണൊരുക്കുന്നതിലെ പക്വതയാണ് കൃഷി വിജയത്തിന്റെ രഹസ്യമെന്നാണ് കര്‍ഷകന്‍ പറയുന്നത്. തീര്‍ത്തും പഴയരീതി അവലംബിച്ച് ചാണകവും ചാരവും പച്ചിലയും കൂട്ടി മണ്ണ് ഉഴുതുമറിച്ചാണ് കൃഷി ചെയ്യുന്നത്.
ക്ഷീരകര്‍ഷകര്‍ തിങ്ങി പാര്‍ക്കുന്ന ഗ്രാമമായതിനാല്‍ ചാണകത്തിന് ക്ഷാമമില്ല. കുടുംബത്തിലെ എല്ലാവരും ഉപയോഗിക്കുന്ന വിളകളായതിനാല്‍ രാസകീടനാശിനികള്‍ക്ക് ഇവിടെ പ്രവേശനമില്ല. അതിനാല്‍ അയല്‍വാസികളുടെ വിപണി കൂടിയാണ്. കൃഷിയുടെയിടയില്‍ ചെïുമല്ലി നട്ടു ജൈവരീതിയില്‍ കീടനിയന്ത്രണവും നടത്തുന്നുï്.
പയറും, പാവലും, മുളകും, ഇഞ്ചിയും തുടങ്ങി എല്ലാ പച്ചക്കറിയും തോട്ടത്തിലുï്. പഴവര്‍ഗ്ഗങ്ങളായ മാതളവും, പപ്പായയും, ബുഷ് ഓറഞ്ചും, റംബൂട്ടാന്‍ വരെ ഇവിടെ കാണാം. തികച്ചും ജൈവരീതിയില്‍ തന്നെ നെല്ലും നിലക്കടലയും ഇന്നും കൃഷിയിറക്കുന്നു.
ഭാര്യ രജിതയും മക്കളായ അനിരുദ്ധനും അനശ്രീയും കൃഷിയിടത്തില്‍ എന്നും കൂട്ടിനുï്. കൃഷിയിടത്തിന് മുകളിലുള്ള കുളത്തില്‍ മത്സ്യ കൃഷിയും നടത്തുന്നുï്.