പാലക്കാട്: തമിഴ്‌നാട്ടിലെ റേഷന്‍ഷോപ്പുകളില്‍ നിന്നും ചുരുങ്ങിയ വിലക്ക് ശേഖരിക്കുന്ന് റേഷനരി കേരത്തിലെത്തിച്ചു പോളിഷ് ചെയ്തു വില്‍ക്കുന്ന സംഘങ്ങള്‍ സജീവം. അതിര്‍ത്തി പ്രദേശത്തു ഗോഡൗണുകള്‍ വാടകക്കെടുത്തു ശേഖരിച്ച് പാലക്കാടും, അങ്കമാലിയിലുമുള്ള മില്ലുകളില്‍ എത്തിച്ചു പോളിഷ് ചെയ്തു കൂടുതല്‍ വിലക്ക് വില്‍ക്കുകയാണ് ചെയ്തു വരുന്നത്.
 ചെറിയ വാഹനങ്ങളിലും, നമ്പറില്ലാത്ത നാലുചക്രങ്ങളിലുമായാണ് അരികടത്തുന്നത്. ട്രെയിനിലൂടെ കേരളത്തിലെ രഹസ്യതാവളങ്ങളില്‍ എത്തിച്ച് വിപണനം നടത്താറുമുï്. പൊതു വിതരത്തിലൂടെ വിതരണം ചെയ്യുന്ന വലിപ്പം കൂടിയ അരി തമിഴ്‌നാട്ടുകാര്‍ ഉപയോഗിക്കാറില്ല. ചെറിയ വലിപ്പത്തിലുള്ള പൊന്നിയരിയാണ് അവര്‍ക്ക് പ്രിയം.
ഇങ്ങിനെ ചെറിയ കടത്തുകാരുടെ സഹായത്തോടെ തമിഴ്‌നാട്ടില്‍ നിന്ന് കേരളത്തിലെത്തിക്കുന്ന അരിക്ക് പുതിയ പേരു നല്‍കി പായ്ക്ക് ചെയ്താണ് വിതരണം നടത്തുന്നത്. കേരളത്തിലെ വന്‍കിട ഭക്ഷ്യധാന്യ പൊടികമ്പനികളും പലഹാര കമ്പനികളുമായാണ് ഇത്തരത്തിലുള്ളവരുടെ ഇടപാടുകാര്‍.
കേരള തമിഴ്‌നാട് അതിര്‍ത്തിക്കടുത്ത് കെട്ടിടങ്ങള്‍ വാടകയ്‌ക്കെടുത്ത് അരി സംഭരിക്കുന്നു. പിന്നീട് 10,20,50 കിലോ ബാഗുകളിലായി ആവശ്യക്കാര്‍ക്ക് എത്തിച്ച് കൊടുക്കുന്നു.
തമിഴ്‌നാട്ടില്‍ സൗജന്യമായി ലഭിക്കുന്ന അരിയും, പയറും, ഗോതമ്പും, പരിപ്പും ചുളുവില്‍ സംഭരിച്ച് നികുതി വെട്ടിപ്പും നടത്തി കേരളത്തില്‍ എത്തിക്കുന്ന മാഫിയ വളരെ ശക്തമാണ്.
പുലര്‍ച്ച നാലു മുതല്‍ അഞ്ചു വരെയും രാത്രി എട്ടു മുതല്‍ ഒന്‍പതു വരെയുമാണ് കൂടുതലായി ഇരുചക്രവാഹനങ്ങളില്‍ അരി കടത്തുന്നത്. റെയില്‍വേ സ്റ്റേഷന്‍ വിടുന്നതിന് തൊട്ടുമുന്‍പായി ചാക്കിലാക്കി മറച്ചുവച്ച അരി കൂടുതല്‍ ആളുകള്‍ ചേര്‍ന്ന് പെട്ടെന്ന് ട്രെയിനില്‍ കയറ്റും.
കര്‍ശന പരിശോധനകള്‍ ഇല്ലാത്ത അതിര്‍ത്തി സ്റ്റേഷനുകളില്‍ പെട്ടെന്ന് ഇറക്കി രഹസ്യ കേന്ദ്രങ്ങളില്‍ എത്തിക്കും. കേരളത്തിലെ റേഷന്‍ കടയുടമകളും ഇവര്‍ക്ക് വിപണനത്തിന് സഹായിക്കുന്നു.
ഇവിടെത്തെ കടകളില്‍ വിതരണത്തിനെത്തുന്നത് നല്ല അരിയാണെങ്കില്‍ അതിനെ മാറ്റി തമിഴ്‌നാട്ടില്‍ നിന്നുള്ള പഴകിയ അരി കടകളില്‍ വിതരണം ചെയ്യുന്നു. പുതിയ പേരില്‍ പുത്തന്‍ പേരുമായി അരികളെ തിരിച്ചറിയാന്‍ കഴിയാത്തവിധം പോളിഷ് ചെയ്താണ് വിപണിയിലെത്തുന്നത്.
റെയ്ഡുകള്‍ നടത്തി അരി പിടികൂടാറുïെങ്കിലും നടപടികള്‍ കര്‍ശനമല്ലാത്തതിനാല്‍ പിഴയടച്ചു തടിതപ്പും.
ജില്ലയിലെ റേഷന്‍ ഷോപ്പുകളിലും ഉപഭോക്താക്കള്‍ വാങ്ങാത്ത അരിയും മറിച്ചു വില്‍ക്കാന്‍  ചിലകേന്ദ്രങ്ങള്‍ പ്രവര്‍ത്തിക്കുന്നുï്.