പിറവം: പിന്നണി ഗായകന്‍ സൈനോജിന്റെ ഓര്‍മക്കായി നടത്തുന്ന സൈനോജ് അവാര്‍ഡ് വിതരണം 21 ന് വൈകിട്ട് നാലിന് പിറവം മാം ഓഡിറ്റോറിയത്തില്‍ നടക്കും. രാജീവ്ഗാന്ധി കള്‍ച്ചറല്‍ ഫോറവും സൈനോജ് കലാകേന്ദ്രവും സംയുക്തമായി നടത്തുന്ന സ്റ്റാര്‍ സിംഗര്‍ നാലാം വര്‍ഷത്തിലേക്ക് കടന്നു.
വിവിധ കോളജുകളിലെയും ഹയര്‍ സെക്കന്‍ഡറി സ്‌കൂളുകളിലെയും 24 പേരാണു പങ്കെടുക്കുന്നത്. വിവിധ മത്സരഘട്ടങ്ങള്‍ പിന്നിട്ട് വിജയികളാകുന്നവര്‍ക്ക് പുരസ്‌കാരങ്ങളും കാഷ് അവാര്‍ഡുകളും നല്‍കും. പ്രശസ്ത സംഗീത സംവിധായകരായ ലീല മാത്യു, ജെയ്‌സണ്‍ ജെ. നായര്‍, ഗണേഷ് സുന്ദരം എന്നിവരാണ് വിധികര്‍ത്താക്കള്‍.
വൈകിട്ട് 4.30 ന് അനൂപ് ജേക്കബ് എം.എല്‍.എ. ഉദ്ഘാടനം ചെയ്യും. സാബു കെ. ജേക്കബ് അധ്യക്ഷതവഹിക്കും. യോഗത്തില്‍ വിവിധ റാങ്കുകള്‍ കരസ്ഥമാക്കിയ ജേതാക്കളെ ആദരിക്കും. സ്റ്റാര്‍ സിംഗര്‍ വിജയികള്‍ക്ക് എല്‍ദോസ് കുന്നപ്പിള്ളി എം.എല്‍.എ. അവാര്‍ഡുകള്‍ സമ്മാനിക്കും. വാര്‍ത്താ സമ്മേളനത്തില്‍ ചെയര്‍മാന്‍ സാബു കെ. ജേക്കബ്, സൈനോജ്, കലാകേന്ദ്ര പ്രസിഡന്റ് നെച്ചൂര്‍ രതീശന്‍, സെക്രട്ടറി സണ്ണി മണപ്പാട്ട്, കുരിയന്‍ പുളിക്കല്‍, മ്പി പുതുവാക്കുന്നേല്‍ എന്നിവര്‍ പങ്കെടുത്തു.