അമ്പലപ്പുഴ: മെഡിക്കല്‍ ഷോപ്പ് കുത്തിത്തുറന്ന് മോഷണത്തിന് ശ്രമിച്ച അഞ്ച് യുവാക്കളെ അമ്പലപ്പുഴ പൊലീസ് അറസ്റ്റ് ചെയ്തു. ന
ആലപ്പുഴ കൊമ്മാടി കാട്ടുങ്കല്‍ വെളിയില്‍ അനീഷ് ആന്റണി (36), കറുകയില്‍ വാര്‍ഡ് കുരുശിങ്കല്‍ വീട്ടില്‍ ബോറിസ് തോമസ് (29), കനാല്‍ വാര്‍ഡ് കൊച്ചിക്കാപറമ്പില്‍ സുനീര്‍ (32), സീവ്യൂ വാര്‍ഡ് തൈപ്പറമ്പില്‍ ടി ആര്‍ ആന്റണി (25), കനാല്‍ വാര്‍ഡ് പുതുവല്‍ പുരയിടത്തില്‍ റനീഷ് (24) എന്നിവരെയാണ് അമ്പലപ്പുഴ എസ് ഐ പ്രതീഷ്‌കുമാറിന്റെ നേതൃത്വത്തിലുള്ളസംഘം അറസ്റ്റ് ചെയ്തത്.
  അമ്പലപ്പുഴ കരൂര്‍ ചേലാക്കാപ്പള്ളില്‍ ദേവസ്യയുടെ വീടിനോട് ചേര്‍ന്നുള്ള മെഡിക്കല്‍ ഷോപ്പിലാണ് സംഘം മോഷണത്തിന് ശ്രമിച്ചത്. തിരുവോണനാളില്‍ പുലര്‍ച്ചെയായിരുന്നു സംഭവം. അടഞ്ഞുകിടന്ന മെഡിക്കല്‍ ഷോപ്പ് കുത്തിത്തുറക്കാന്‍ ശ്രമിക്കുന്നതിനിടെ ശബ്ദം കേട്ട ദേവസ്യ എത്തി.
തുടര്‍ന്ന് രണ്ട് ബൈക്കുകളിലായി പ്രതികള്‍ രക്ഷപെടുകയായിരുന്നു. ഈ സമയം ബൈക്കിന്റെ നമ്പരും മറ്റ് അടയാളങ്ങളും മനസ്സിലാക്കിയ ദേവസ്യ വിവരം പൊലീസിന് കൈമാറുകയായിരുന്നു. ഞായറാഴ്ച വൈകിട്ടോടെയാണ് പ്രതികള്‍ അറസ്റ്റിലായത്.