മുതുകുളം: മഹാ ദേവികാട് പുളിക്കീഴ് ആറില്‍ ഡോ.എ.പി.ജെ അബ്ദുള്‍ കലാം മെമ്മോറിയല്‍ ട്രോഫിക്ക് വേണ്ടിയുളള ജലമേളയില്‍ തെക്കനോടി കെട്ട് വളളങ്ങളില്‍ ഒന്നാം സ്ഥാനം സലി ക്യാപ്റ്റനായ കാട്ടിതെക്കേല്‍ കരസ്ഥമാക്കി. രണ്ടാം സ്ഥാനത്ത് സജിത്ത് ക്യാപ്റ്റനായ  ചെല്ലിക്കാടനും എത്തി. തെക്കനോടി തറ വളളങ്ങളില്‍ തങ്കച്ചന്‍ ക്യാപ്റ്റനായ  ദേവസ് ഒന്നും, ജയന്‍ ക്യാപ്റ്റനായ കാട്ടിതെക്കേതില്‍ വളളം രണ്ടും സ്ഥാനങ്ങള്‍നേടി.  
  ഫൈബര്‍ചുണ്ടങ്ങളുടെ മത്സരത്തില്‍ രാജീവ് ക്യാപ്റ്റനായ  മഹാ ദേവികാട് ചുണ്ടന്‍ ജേതാവായി. രണ്ടാം സ്ഥാനത്ത് വൈഗ ചുണ്ടനും എത്തി.  ജലമേള ജില്ലാ പഞ്ചായത്ത് അംഗം എ.കെ.രാജന്‍ ഉത്ഘാടനം ചെയ്തു. കാര്‍ത്തപ്പള്ളി  ഗ്രാമപഞ്ചായത്ത് പ്രസിഡന്റ് ജിമ്മി വി.കൈപ്പള്ളി ട്രോഫികള്‍ വിതരണം ചെയ്തു.