അതിരമ്പുഴ:അതിരമ്പുഴ സെന്റ് മേരീസ് ഫൊറോനാ പള്ളിയില്‍ പരിശുദ്ധ വ്യാകുലമാതാവിന്റെ ദര്‍ശന തിരുനാളിനോടനുബന്ധിച്ച് ഇന്നലെ നടന്ന തിരുനാള്‍ പ്രദക്ഷിണം ഭക്തിസാന്ദ്രമായി.
പരിശുദ്ധ വ്യാകുലമാതാവിന്റെയും വിശുദ്ധ സെബസ്ത്യാനോസിന്റെയും തിരുസ്വരൂപങ്ങള്‍ സംവഹിക്കപ്പെട്ട പ്രദക്ഷിണം ചെറിയ പള്ളി ചുറ്റി വലിയ പള്ളിയില്‍ തിരിച്ചെത്തി സമാപിച്ചു.
നേര്‍ച്ചകാഴ്ചകളും പ്രാര്‍ഥനാമഞ്ജരികളുമായി ആയിരക്കണക്കിനു ഭക്തജനങ്ങള്‍ പ്രദക്ഷിണത്തില്‍ സംബന്ധിച്ചു.
രാവിലെ 7.30നു വിശുദ്ധ സെബസ്ത്യാനോസിന്റെ തിരുസ്വരൂപം മദ്ബഹായില്‍നിന്നും പുറത്തെടുത്ത് പരസ്യവണക്കത്തിനായി രൂപക്കൂട്ടില്‍ പ്രതിഷ്ഠിച്ചു. ഫാ.ജോര്‍ജ് മാന്തുരുത്തിലിന്റ്‌റെ മുഖ്യകാര്‍മ്മികത്വത്തില്‍ റാസ അര്‍പ്പിച്ചു
.ഫാ.ദേവസ്യ തുïിയില്‍ തിരുനാള്‍ സന്ദേശം നല്‍കി.വൈകുന്നേരം ആഘോഷമായ വിശുദ്ധ കുര്‍ബാനയെതുടര്‍ന്നായിരുന്നു തിരുനാള്‍ പ്രദക്ഷിണം.ഫാ.പ്രകാശ് മറ്റത്തില്‍ കുര്‍ബാനയില്‍ മുഖ്യകാര്‍മ്മികത്വം വഹിച്ചു.  
വികാരി ഫാ.സിറിയക് കോട്ടയില്‍,അസിസ്റ്റന്റ് വികാരിമാരായ ഫാ.ജിബിന്‍ കേഴപ്‌ളാക്കല്‍,ഫാ.ജോസി മഞ്ചേരിക്കളം,ഫാ.സോജി ചക്കാലക്കല്‍ ഫാ.തോമസ് കാഞ്ഞിരത്തുംമൂട്ടില്‍ എന്നിവര്‍ കാര്‍മ്മികത്വം വഹിച്ചു .