ന്യൂയോര്‍ക്ക്: അമേരിക്കയിലെ ന്യൂജഴ്‌സി ട്രെയിന്‍ സ്‌റ്റേഷനു സമീപം സംശയകരമായ ഇലക്ട്രോണിക് ഉപകരണങ്ങളടങ്ങിയ ബാഗ് കണ്ടെത്തി. സംഭവമറിഞ്ഞെത്തിയ പൊലിസും ബോംബ് സ്‌ക്വാഡും ചേര്‍ന്ന് ഉപകരണങ്ങള്‍ പരിശോധിച്ച് നശിപ്പിച്ചു. പ്രാദേശിക മാധ്യമങ്ങളും ന്യൂജഴ്‌സി മേയറുമാണ് വാര്‍ത്ത പുറത്തുവിട്ടത്. സ്‌ഫോടക വസ്തുക്കളെന്നു സംശയിക്കുന്ന പൈപ്പുകളും വയറുകളുമാണ് ബാഗിലുണ്ടായിരുന്നത്. ബാഗ് കണ്ട രണ്ടുപേര്‍ പൊലിസിനെ അറിയിക്കുകയായിരുന്നു.