കോഴിക്കോട് : കോഴിക്കോട് കുറ്റ്യാടിയിലെ കടന്തറ പുഴയിലെ മലവെള്ളപ്പാച്ചിലില്‍ കാണാതായ ഒരാളുടെ കൂടി മൃതദേഹം കണ്ടെടുത്തു. മൃതദേഹം തിരിച്ചറിഞ്ഞിട്ടില്ല. ഇതോടെ അപകടത്തില്‍ മരിച്ചവരുടെ എണ്ണം നാലായി.

ഇന്ന് വൈകീട്ടോടെ മരുതോങ്കര നാലാംകണ്ടത്തുനിന്നാണ് മൃതദേഹം കണ്ടെത്തിയത്. അപകടം നടന്ന സ്ഥലത്തുനിന്ന് 12 കിലോമീറ്ററോളം അകലെ നിന്നാണ് മൃതദേഹം ലഭിച്ചത്. ആറു പേരെയാണ് ഞായറാഴ്ച കടന്തറ പുഴയില്‍ ഒഴുക്കില്‍പെട്ട് കാണാതായിരുന്നത്.

ഇനി രണ്ടുപേരെ കൂടി കണ്ടുകിട്ടാനുണ്ട്‌.  പ്രദേശത്ത് കനത്ത മഴ തുടരുകയാണ്. മഴ രക്ഷാപ്രവര്‍ത്തനത്തിന് തടസം സൃഷ്ടിക്കുന്നുണ്ട്. തൃശൂരില്‍ നിന്നെത്തിയ കേന്ദ്ര ദുരന്ത നിവാരണ സേനയുടേയും ഫയര്‍ ഫോഴ്‌സ്,പൊലിസ്എന്നിവരുടെ നേതൃത്വത്തില്‍ രക്ഷാപ്രവര്‍ത്തനം തുടരുകയാണ്.