വര്‍ക്കല: പ്രവാസി ജീവകാരുണ്യ സാംസ്‌കാരിക സംഘടനയായ റാത്തിക്കല്‍ കൂട്ടായ്മ (റാക്ക്)യുടെ ആറാം വാര്‍ഷികവും ഖുര്‍ആന്‍ അവാര്‍ഡ് വിതരണവും നടന്നു. രണ്ടുദിവസം നീണ്ടു നിന്ന പരിപാടിയുടെ സമാപന സമ്മേളനം കവി അന്‍സാര്‍ വര്‍ണന ഉദ്ഘാടനം ചെയ്തു. ജീവകാരുണ്യ ധനസഹായം വിതരണം അഡ്വ.വി.ജോയി എം.എല്‍.എ നിര്‍വഹിച്ചു. ഖുര്‍ആന്‍ പാരായണ മത്സര വിജയികള്‍ക്കുള്ള ഹോളി ഖുര്‍ആന്‍ അവാര്‍ഡുകളും വിദ്യാര്‍ഥി പ്രതിഭകള്‍ക്കുള്ള പുരസ്‌കാരങ്ങളും ചടങ്ങില്‍ സമ്മാനിച്ചു. റാക്ക് പ്രസിഡന്റ് എം.അബ്ദുല്‍ഖലാം അധ്യക്ഷനായി. വെട്ടൂര്‍ ഗ്രാമപഞ്ചായത്ത് പ്രസിഡന്റ് അസിംഹുസൈന്‍, കൈരളി ജുവലേഴ്‌സ് എം.ഡി നാദിര്‍ഷ,വെട്ടൂര്‍ കേന്ദ്ര ജമാഅത്ത് ഇമാം നാസിമുദ്ദീന്‍ മന്നാനി, റാത്തിക്കല്‍ ജമാഅത്ത് ഇമാം സിദ്ദീഖ് മന്നാനി, ജമാഅത്ത് പ്രസിഡന്റ് അസ് ലന്‍, നസീബ്,ഷിഹാബുദ്ദീന്‍ തുടങ്ങിയവര്‍ സംസാരിച്ചു.