അമ്പലപ്പുഴ: വീടിന് തീപിടിച്ച് ഗൃഹോപകരണങ്ങളുള്‍പ്പെടെ കത്തി നശിച്ചു. അമ്പലപ്പുഴ കോമന പുതുവല്‍ ജമാലുദ്ദീന്റെ വീടിനാണ് തീപിടിച്ചാണ്.  തിങ്കളാഴ്ച പുലര്‍ച്ചെ ഒന്നോടെയാണ് സംഭവം. വൈദ്യുതി കണക്ഷന്‍ പോയതിന് പിന്നാലെ തീ ആളിപ്പടരുകയായിരുന്നു. വയറിംഗ് പൂര്‍ണ്ണമായും കത്തിനശിച്ചു. ഗൃഹോപകരണങ്ങള്‍ കുട്ടികളുടെ പഠനോപകരണങ്ങള്‍, വസ്ത്രങ്ങള്‍ എന്നിവയും നശിച്ചു.  
ഷീറ്റുമേഞ്ഞ മേല്‍ക്കൂരയുളള വീട്ടില്‍ ഈ സമയം ജമാലുദ്ദീനും മകന്‍ ഷെമീറും ഷെമീറിന്റെ ഭാര്യയും മക്കളുമുണ്ടായിരുന്നു. ബഹളം കേട്ട് ഓടിയെത്തിയ അയല്‍വാസികളാണ് തീയണച്ചത്.