കോഴിക്കോട് : കുറ്റ്യാടിയിലെ കടന്തറ പുഴയിലെ മലവെള്ളപ്പാച്ചിലില്‍ കാണാതായ ഒരാളുടെ കൂടി മൃതദേഹം കണ്ടെടുത്തു. മൃതദേഹം തിരിച്ചറിഞ്ഞിട്ടില്ല. ഇതോടെ അപകടത്തില്‍ മരിച്ചവരുടെ എണ്ണം അഞ്ചായി. അവശേഷിക്കുന്ന ഒരാള്‍ക്കായുള്ള തെരച്ചില്‍ തുടരുകയാണ്.

ആറു പേരെയാണ് ഞായറാഴ്ച കടന്തറ പുഴയില്‍ ഒഴുക്കില്‍പെട്ട് കാണാതായിരുന്നത്. അപകടം നടന്ന സ്ഥലത്തു നിന്നും എട്ട് കിലോമീറ്റര്‍ ചുറ്റളവിലാണ് തെരച്ചില്‍ നടത്തുന്നത്.

തൃശൂരില്‍ നിന്നെത്തിയ കേന്ദ്ര ദുരന്ത നിവാരണ സേനയുടേയും ഫയര്‍ ഫോഴ്‌സ്,പൊലിസ്എന്നിവരുടെ നേതൃത്വത്തില്‍ രക്ഷാപ്രവര്‍ത്തനം തുടരുകയാണ്.