പൊന്നാനി: ചമ്രവട്ടം ജങ്ഷനിലെ ട്രാഫിക് സിഗ്‌നല്‍ ലൈറ്റ് തകരാറിലായി. ഇന്നലെ മുതലാണ് സിഗ്‌നല്‍ ലൈറ്റ് തകരാറിലായത്. ഏറെ തിരക്കേറിയ ടൗണില്‍ സിഗ്‌നല്‍ ലൈറ്റ് ഇല്ലാതായതോടെ അപകടവുമുണ്ടായി. നിയന്ത്രണങ്ങളാന്നുമില്ലാതെ വാഹനങ്ങള്‍ തലങ്ങും വിലങ്ങും പോകുന്നതിനിടയില്‍ വിവാഹസംഘം സഞ്ചരിച്ച ബസും സ്‌കൂട്ടറും കൂട്ടിയടച്ചു. അപകടത്തില്‍ സ്‌കൂട്ടര്‍ യാത്രക്കാരെ ഗുരുതര പരുക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചു. തകര്‍ന്ന സിഗ്‌നല്‍ ലൈറ്റ് പുനഃസ്ഥാപിക്കാന്‍ പൊതുമരാമത്ത് വകുപ്പ് ശ്രമങ്ങള്‍ തുടങ്ങിയിട്ടില്ല.