പൂക്കോട്ടുംപാടം: പഞ്ചായത്തില്‍ വ്യാപകമായി കൊണ്ടിരിക്കുന്ന ലഹരിയ്‌ക്കെതിരെ ഫുട്‌ബോള്‍ ലഹരിയാക്കുകയാണ് പൂക്കോട്ടുംപാടത്തെ ഫുട്‌ബോള്‍ പ്രേമികള്‍. ഇന്റിമേറ്റ് പൂക്കോട്ടുംപാടം പ്രീമിയര്‍ ലീഗ് എന്ന ജനകീയ സമിതിയാണ് ഇന്ത്യന്‍ സൂപ്പര്‍ ലീഗ് മാതൃകയില്‍ ടീമുകളെ കണ്ടെത്തി മത്സരം സംഘടിപ്പിച്ചത്.
ഹൈസ്‌കൂള്‍ ഗ്രൗണ്ടില്‍ ഒരുക്കിയ ദ്വിദിന ഫുട്‌ബോള്‍ മേളയില്‍ നാല് ടീമുകള്‍ പങ്കെടുത്തു. മത്സര വിജയികള്‍ക്ക് 3000മുതല്‍ 5000 വരെയുള്ള ക്യാഷ് അവാര്‍ഡുകള്‍ നല്‍കി. പി.എം ഉവൈരീസ്, ഡി.ടി മുജീബ് റഹ്മാന്‍, പുലത്ത് ഷാജി തുടങ്ങിയവരാണ് ഭാരവാഹികള്‍.
മത്സരം ഗവ ഹയര്‍സെക്കന്‍ഡറി സ്‌കൂള്‍ പ്രധാനാധ്യാപകന്‍ ജി.സാബു ഉദ്ഘാടനം ചെയ്തു. പഞ്ചായത്തിലെ പഴയ ഫുട്‌ബോള്‍ താരങ്ങളായ കെ.പി ശ്രീകുമാര്‍, പ്രദീപ്, പി.ടി.ഹംസ എന്നിവരെ ആദരിച്ചു. മത്സരത്തില്‍ വിജയിച്ച ബ്ലു ബ്ലാസ്റ്റേഴ്‌സ് എഫ്‌സി ടീമിന് ക്യാഷ് അവാര്‍ഡ് വിതരണം ചെയ്തു.