മുക്കം: ചേന്ദമംഗല്ലൂര്‍ ഗ്രാമീണ പ്രവാസി സംഗമത്തില്‍ പ്രകാശനം ചെയ്ത 'ആദിയില്‍ കവിതയുണ്ടായി 'എന്ന കവിതാ സമാഹാരത്തിന് ലഭിക്കുന്ന വരുമാനം അപ്പര്‍ പ്രൈമറി പഠനം പൂര്‍ത്തിയാക്കിയ ചേന്ദമംഗല്ലൂര്‍ ജി.എം.യു.പി സ്‌കൂളിന് നല്‍കുമെന്ന് രചയിതാവ് ഫൈസല്‍ അബൂബക്കര്‍ പറഞ്ഞു.
ഒന്നാമത്തെ കവിതാ സമാഹാരമായ 'കഥയിലെ ചോദ്യങ്ങള്‍' എന്ന കൃതി പന്നിയങ്കര എല്‍.പി സ്‌കൂളിലായിരുന്നു പ്രകാശനം നടത്തിയിരുന്നത്. അടുത്ത പുസ്തകം ഹൈസ്‌കൂള്‍ വിദ്യാഭ്യാസം പൂര്‍ത്തിയാക്കിയ ചേന്ദമംഗല്ലൂര്‍ ഹയര്‍ സെക്കന്‍ഡറി സ്‌കൂളിലായിരിക്കും പ്രകാശനം നടത്തുകയെന്നും ഫൈസല്‍ അബൂബക്കര്‍ പറഞ്ഞു.
ഫൈസലിനെ യു.പി സ്‌കൂളില്‍ പഠിപ്പിച്ച വി. അറുമുഖന്‍ മാസ്റ്റര്‍ക്ക് കോപ്പി നല്‍കി അബൂബക്കര്‍ ഹാജി പുസ്തകം പ്രകാശനം ചെയ്തു. ഇ.പി അബ്ദുറഹ്മാന്‍, പി.കെ അബ്ദുറസാഖ് സംസാരിച്ചു. എഴുത്തുകാരന്‍ പി.ടി കുഞ്ഞാലി ചേന്ദമംഗല്ലൂര്‍ പുസ്തകം പരിചയപ്പെടുത്തി.