താമരശ്ശേരി: ഒക്ടോബര്‍ 6, 7, 8 തിയതികളില്‍ കോഴിക്കോട്ട് നടക്കുന്ന മുസ്‌ലിം യൂത്ത് ലീഗ് സംസ്ഥാന സമ്മേളനത്തിന്റെ പ്രചരണാര്‍ഥം കൊടുവള്ളി നിയോജക മണ്ഡലം യൂത്ത് ലീഗ് സംഘടിപ്പിക്കുന്ന സന്ദേശജാഥ ഒക്ടോബര്‍ ഒന്നിന് നടക്കും. രാവിലെ 8.30ന് അമ്പായത്തോട് നിന്നാരംഭിച്ച് വൈകിട്ട് പൊതുസമ്മേളനത്തോടെ ഓമശ്ശേരിയില്‍ സമാപിക്കും.
സമ്മേളനത്തിന്റെ ഭാഗമായി നിയോജക മണ്ഡലത്തിലെ മുഴുവന്‍ പഞ്ചായത്ത് തലങ്ങളിലും സ്‌പെഷല്‍ കണ്‍വന്‍ഷനുകളും പ്രാദേശിക സംഘാടകസമിതി രൂപീകരണവും 30നകം പൂര്‍ത്തിയാക്കും.
താമരശ്ശേരി ലീഗ് ഹൗസില്‍ ചേര്‍ന്ന യോഗത്തില്‍ പ്രസിഡണ്ടന്റ് ടി. മൊയ്തീന്‍കോയ അധ്യക്ഷനായി. ജനറല്‍ സെക്രട്ടറി എ.കെ കൗസര്‍, സി.കെ റസാഖ് മാസ്റ്റര്‍, റഫീഖ് കൂടത്തായി, മിഹ്ജഅ് നരിക്കുനി, പി. അനീസ്, നൗഷാദ് പന്നൂര്‍, ഇഖ്ബാല്‍ കത്തറമ്മല്‍ സംസാരിച്ചു.