കുറ്റിക്കോല്‍: ബേഡകത്തും കുറ്റിക്കോലിലും സി.പി.എം വിട്ടു നിരവധി പേര്‍ സി.പി.ഐയില്‍ ചേര്‍ന്നതിനു പിന്നാലെ സി. പി.ഐയുടെ യുവജന സംഘടനയായ എ.ഐ.വൈ.എഫിലേക്കും പ്രവര്‍ത്തകര്‍ ചുവടുമാറി. ബന്തടുക്ക, മാണിമൂല, പടുപ്പ്, നെല്ലിത്താവ്, ഞെരു, കളക്കര, ബേത്തൂര്‍പാറ, കുറ്റിക്കോല്‍ പ്രദേശങ്ങളില്‍ നിന്ന് എ.ഐ.വൈ.എഫില്‍ പുതുതായി അംഗങ്ങളായവരെ പങ്കെടുപ്പിച്ച് കണ്‍വന്‍ഷന്‍ കുറ്റിക്കോല്‍ വ്യാപാര ഭവനില്‍ നടന്നു. പുതുതായി അംഗങ്ങളായവരെ പങ്കെടുപ്പിച്ചു നടന്ന കണ്‍വന്‍ഷന്‍ കുറ്റിക്കോല്‍, ബേഡകം മേഖലയിലേക്കുള്ള എ.ഐ.വൈ.എഫിന്റെ കടന്നുകയറ്റത്തിനു വേദിയായി. അനില്‍കുമാര്‍ കുറ്റിക്കോല്‍ അധ്യക്ഷനായി.