കണ്ണൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ നടത്തുന്ന മദ്‌റസാ പരീക്ഷ പുതിയ ക്രമീകരണങ്ങള്‍ നടപ്പാക്കാന്‍ പരീക്ഷാ ബോര്‍ഡ് ചെയര്‍മാന്‍മാരുടെ കോണ്‍ഫറന്‍സ് തീരുമാനിച്ചു. സമസ്ത ഇസ്‌ലാം മതവിദ്യാഭ്യാസ ബോര്‍ഡ് ഈവര്‍ഷം മുതല്‍ പുതുതായി നടപ്പാക്കിയ ഒന്ന്, രണ്ട്, മൂന്ന് ക്ലാസുകളിലെ പുസ്തകങ്ങളിലെ പാഠങ്ങള്‍ പരീക്ഷക്കായി നിശ്ചയിച്ചു. രണ്ട്, നാല് ക്ലാസുകളില്‍ പ്രാക്ടിക്കല്‍ പരീക്ഷകളും ഒന്നാം ക്ലാസില്‍ കളറിങ്ങും മറ്റു ക്ലാസുകളില്‍ ഹിഫ്‌ളുല്‍ ഖുര്‍ആനിനു പുറമെ ദൈനംദിന അദ്കാറുകളും റെയ്ഞ്ച് പരീക്ഷാ ബോര്‍ഡിന്റെ നേതൃത്വത്തില്‍ പരീക്ഷ വിസിറ്റിങ്ങും നടപ്പാക്കും. പരീക്ഷാ ബോര്‍ഡ് ജില്ലാ സെല്‍ ചെയര്‍മാനായി മുസ്തഫ കൊട്ടില ചപ്പാരപ്പടവ്, കണ്‍വീനറായി സുബൈര്‍ അരിയില്‍ തളിപ്പറമ്പ് ഈസ്റ്റ് എന്നിവരെ തെരഞ്ഞെടുത്തു. ഇന്ന് റെയ്ഞ്ചുകളില്‍ പരിക്ഷാ പേപ്പര്‍ വിതരണം ചെയ്യും. യോഗത്തില്‍ മാണിയൂര്‍ അബ്ദുല്‍ റഹ്മാന്‍ ഫൈസി അധ്യക്ഷനായി. അബ്ദുസമദ് മുട്ടം മുഖ്യപ്രഭാഷണം നടത്തി. ഷമീര്‍ അസ്ഹരി, അബ്ദുല്‍ കരീം അല്‍ ഖാസിമി, സിദ്ദീഖ് ഫൈസി, നവാസ് ദാരിമി, ഇബ്രാഹിം ബാഖവി, അലി മൗലവി, അബ്ദുല്‍ ലത്തീഫ് എടവച്ചാല്‍, റഹ്മാന്‍ മിസ്ബാഹി സംസാരിച്ചു.