വടക്കാഞ്ചേരി: ജില്ലാ ആശുപത്രിയിലെ മുഴുവന്‍ കിടപ്പ് രോഗികള്‍ക്കും അടുത്ത ഒരു വര്‍ഷം ഉച്ചഭക്ഷണം നല്‍കുന്ന യു.എ.ഇ കേന്ദ്രമായി പ്രവര്‍ത്തിക്കുന്ന വടക്കാഞ്ചേരി സുഹൃദ് സംഘത്തിന്റെ സ്‌നേഹവിരുന്ന് പദ്ധതിക്ക് തുടക്കം.
അഞ്ച് ലക്ഷം രൂപ നീക്കി വച്ചാണ് പദ്ധതി നടത്തിപ്പ്. ജില്ലാ ആശുപത്രിയില്‍ ഓണസദ്യ വിതരണം ചെയ്താണ് സ്‌നേഹ വിരുന്നിന് തുടക്കം കുറിച്ചത്. ജില്ലാ പഞ്ചായത്ത് വൈസ് പ്രസിഡന്റ് കെ.പി രാധാകൃഷ്ണന്‍ ഉദ്ഘാടനം ചെയ്തു. നഗരസഭാ ചെയര്‍പേഴ്‌സണ്‍ ശിവപ്രിയ സന്തോഷ് അധ്യക്ഷയായി.
ജില്ലാ പഞ്ചായത്ത് മെമ്പര്‍ മേരി തോമാസ്, ആശുപത്രി സൂപ്രണ്ട് ഡോ. പി.കെ ആശ, നഗരസഭ കൗണ്‍സിലര്‍ എം.എച്ച് ഷാനവാസ്, ഡോ.പ്രേംകുമാര്‍, കാരുണ്യ ട്രസ്റ്റ് ചെയര്‍മാന്‍ വി.വി ഫ്രാന്‍സീസ്, അജിത് കുമാര്‍ മല്ലയ്യ, ശശികുമാര്‍ കൊടയ്ക്കാടത്ത്, സുഹൃദ് സംഘം ഭാരവാഹികളായ എം.കെ ഹൈദര്‍ കോയ, ജയന്‍ വടക്കേടത്ത്, മൊയ്തീന്‍ കുട്ടി, അബൂബക്കര്‍ പരുത്തിപ്ര, അക്ബര്‍ ഷാ തെക്കേതില്‍, അബ്ദുള്‍ ഹാരിസ് തുടങ്ങിയവര്‍ പങ്കെടുത്തു സംസാരിച്ചു.