ചാവക്കാട്: ഖത്തര്‍ ആസ്ഥാനമായി പ്രവര്‍ത്തിക്കുന്ന ഹീലിംഗ് ടച്ച് ഖത്തര്‍ മലയാളി കൂട്ടായ്മയുടേയും തെക്കന്‍ പാലയൂര്‍ യുവ കൂട്ടായ്മയുടേയും ആഭിമുഖ്യത്തില്‍ സൗജന്യ രക്ത പരിശോധനാ ക്യാംപും രക്തദാന ക്യാംപും സംഘടിപ്പിച്ചു.
തെക്കന്‍ പാലയൂര്‍ കുന്നംപുള്ളി സ്‌കൂളില്‍ നടന്ന ക്യാംപ് നഗരസഭാ ചെയര്‍മാന്‍ എന്‍.കെ അക്ബര്‍ ഉദ്ഘാടനം ചെയ്തു. വാര്‍ഡ് കൗണ്‍സിലര്‍ ഷാഹിന സലിം അധ്യക്ഷയായി.
നഗരസഭാ കൗണ്‍സിലര്‍ പി.വി പീറ്റര്‍, തെക്കന്‍ പാലയൂര്‍ മഹല്ല് ഖത്തീബ് സിദ്ധീഖ് ബദരി, നഗരസഭാ മുസ്‌ലിം ലീഗ് ജനറല്‍ സെക്രട്ടറി ലത്തീഫ് പാലയൂര്‍, പി.പി അബ്ദുള്‍ സലാം, എന്‍.കെ ഫാമിസ്, കെ.ടി പ്രസന്നന്‍, കെ.എം അബ്ദുള്‍ ലത്തീഫ്, നൗഷാദ് തെക്കുംപുറം എന്നിവര്‍ സംസാരിച്ചു. ഡോ എ.കുഞ്ഞുമുഹമ്മദ്, എന്‍.എ അബ്ദുള്‍ ഖാദര്‍ എന്നിവര്‍ വിവിധ വിഷയങ്ങലില്‍ ക്ലാസെടുത്തു. യൂനസ് ഹംസ സ്വാഗതവും, സി.എം മണ്‍സൂര്‍ നന്ദിയും പറഞ്ഞു.