വാഷിങ്ടണ്‍: അമേരിക്കയില്‍ നിരായുധനായ കറുത്തവര്‍ഗക്കാരനെ വെള്ളക്കാരനായ പൊലിസ് ഓഫിസര്‍ വെടിവച്ചു കൊല്ലുന്നതിന്റെ ദൃശ്യങ്ങള്‍ പൊലിസ് പുറത്തുവിട്ടു. ഒക്്‌ലഹോമ പൊലിസാണ് ദൃശ്യങ്ങള്‍ പുറത്തുവിട്ടത്. പൊലിസ് കാറിനു മുകളിലെ കാമറയിലും നീരീക്ഷണ ഹെലികോപ്ടറിലെ കാമറയിലുമാണ് ദൃശ്യങ്ങള്‍ പതിഞ്ഞത്. 40 കാരനാണ് കൊല്ലപ്പെട്ടതെന്ന് തുല്‍സ പൊലിസ് പറഞ്ഞു.
വെള്ളിയാഴ്ച രാവിലെയാണ് ബെറ്റി ഷെബ്്‌ലെ എന്ന പൊലിസുകാരനാണ് വെടിവച്ചത്. നിരായുധനായ യുവാവ് കൈ ഉയര്‍ത്തി നില്‍ക്കുന്നതും പൊലിസുകാരന്‍ വെടിവയ്ക്കുന്നതും ദൃശ്യങ്ങളിലുണ്ട്. 2011 മുതല്‍ ഷെബ്്‌ലെ പൊലിസിലുണ്ട്. പൊലിസ് ഹെലികോപ്ടറില്‍ നിന്നുള്ള ദൃശ്യങ്ങളില്‍ പൊലിസുകാരന്‍ കറുത്തവര്‍ഗക്കാരനെ അസഭ്യംപറയുന്നതും വ്യക്തമാണ്.
ഈയിടെ അമേരിക്കയില്‍ കറുത്തവര്‍ഗക്കാര്‍ക്കെതിരേ പൊലിസ് അതിക്രമം വര്‍ധിച്ചിട്ടുണ്ട്.