കൊച്ചി: ഫെഡറേഷന്‍ ഓഫ് ഫിലിം സൊസൈറ്റീസ് ഓഫ് ഇന്ത്യ സംഘടിപ്പിക്കുന്ന പത്താമത് 'സൈന്‍സ് ' ചലച്ചിത്രമേള സെപ്റ്റംബര്‍ 28 മുതല്‍ ഒക്ടോബര്‍ രണ്ടുവരെ എറണാകുളം ടൗണ്‍ഹാളില്‍ നടക്കും. 28ന് വൈകിട്ട് നടക്കുന്ന ചടങ്ങില്‍ സംവിധായകന്‍ കമല്‍ ചലച്ചിത്ര മേള ഉദ്ഘാടനം ചെയ്യും. കൊച്ചി ബിനാലെ ഫൗണ്ടേഷന്റെ സഹകരണത്തോടെയാണ് ചലച്ചിത്രമേള സംഘടിപ്പിക്കുന്നത്. മേളയിലേക്കുള്ള പ്രവേശനം സൗജന്യമാണ്.
വാര്‍ത്താസമ്മേളനത്തില്‍ ഫിലിം ഫെസ്റ്റിവല്‍ കോ ഓര്‍ഡിനേറ്റര്‍ കെ.ജി മോഹന്‍കുമാര്‍, വി.കെ ജോസഫ് എന്നിവര്‍ പങ്കെടുത്തു.