കൊച്ചി: യുവ ഫാസ്റ്റ്, സ്പിന്‍ ബൗളര്‍മാരെ കണ്ടെത്താന്‍ കേരള ക്രിക്കറ്റ് അസോസിയേഷന്‍- ഐ.ഡി.ബി.ഐ ഫെഡറല്‍ ഫൗണ്ടേഷന്‍ ഓപണ്‍ സെലക്ഷന്‍ ട്രയല്‍ സംഘടിപ്പിക്കുന്നു. 17നും 21നും ഇടയില്‍ പ്രായമുള്ള ആണ്‍കുട്ടികള്‍ക്ക് പങ്കെടുക്കാം. കണ്ണൂര്‍, കാസര്‍കോട്, കോഴിക്കോട്, മലപ്പുറം, വയനാട് ജില്ലകളിലുള്ളവര്‍ക്ക് ഈ മാസം 23നു തലശ്ശേരി കോണോര്‍വയല്‍ ഗ്രൗണ്ടിലാണ് ട്രയല്‍. തിരുവന്തപുരം, പത്തനംതിട്ട, കൊല്ലം, കോട്ടയം, ആലപ്പുഴ ജില്ലകളിലുള്ളവര്‍ക്ക് ആലപ്പുഴ എസ്.ഡി കോളജ് മൈതാനത്ത് 24നു നടക്കും.
ഇതേദിവസം തന്നെ എറണാകുളം സെന്റ് പോള്‍സ് കോളജ് മൈതാനത്ത് എറണാകുളം, ഇടുക്കി, തൃശൂര്‍, പാലക്കാട് ജില്ലകളിലുള്ളവര്‍ക്കുള്ള ട്രയലും നടക്കും. ട്രയല്‍സിനെത്തുന്നവര്‍ രാവിലെ എട്ടു മണിക്കു മുന്‍പായി റിപ്പോര്‍ട്ട് ചെയ്യണം. മൂന്നു സോണുകളില്‍ നിന്നു തിരഞ്ഞെടുക്കപ്പെടുന്ന ഫാസ്റ്റ്, സ്പിന്‍ ബൗളര്‍മാരുടെ ഫൈനല്‍ ട്രയല്‍ ഈ മാസം 25നു ആലപ്പുഴ എസ്.ഡി കോളജ് മൈതാനത്ത് നടക്കും.