ലണ്ടന്‍: മാഞ്ചസ്റ്റര്‍ സിറ്റിയുടെ ഐവറി കോസ്റ്റ് താരം യായ ടൂറെ രാജ്യാന്തര ഫുട്‌ബോളില്‍ നിന്നു വിരമിച്ചു. മിഡ്ഫീല്‍ഡറായ ടൂറെ വെബ്‌സൈറ്റിലൂടെയാണ് വിരമിക്കല്‍ പ്രഖ്യാപിച്ചത്.
രാജ്യത്തിനായി 102 മത്സരങ്ങള്‍ കളിച്ച് 19 ഗോളുകള്‍ നേടിയ ടൂറെ നാലു തവണ ആഫ്രിക്കന്‍ ഫുട്‌ബോളര്‍ പുരസ്‌കാരം നേടിയിട്ടുണ്ട്. കഴിഞ്ഞ വര്‍ഷം ഐവറി കോസ്റ്റ് ആഫ്രിക്കന്‍ നേഷന്‍സ് കപ്പ് സ്വന്തമാക്കിയപ്പോള്‍ യായ ടൂറെയായിരുന്നു നായകന്‍.
കരിയറിലെ വിഷമം പിടിച്ച ഘട്ടത്തിലൂടെയാണ് കടന്നുപോകുന്നത്. ഇതാണ് വിരമിക്കാന്‍ പറ്റിയ സമയമെന്നു 33 കാരനായ താരം വ്യക്തമാക്കി. 14 വര്‍ഷം ദേശീയ ടീമില്‍ കളിച്ചാണ് ടൂറെ രാജ്യാന്തര ഫുട്‌ബോളിനോടു വിട പറയുന്നു.