തരുവണ: കുന്നുമലങ്ങാടിയില്‍ നിര്‍മിക്കുന്ന ശംസുല്‍ ഉലമാ ഇസ്‌ലാമിക് സെന്ററിന്റെ ശിലാ സ്ഥാപന കര്‍മവും പൊതു സമ്മേളനവും ഇന്ന് വൈകിട്ട് മൂന്നിന് കുന്നുമലങ്ങാടി ശംസുല്‍ ഉലമാ നഗറില്‍ നടക്കും. വൈകിട്ട് മൂന്നിന് സ്വാഗത സംഘം ചെയര്‍മാന്‍ കാഞ്ഞായി ഇബ്രാഹിം ഹാജി പതാക ഉയര്‍ത്തും. നാലിന് 'നാട്ടു നന്മ' കുടുംബ സംഗമം പിണങ്ങോട് അബൂബക്കര്‍ ഉദ്ഘാടനം ചെയ്യും. ശൗക്കത്തലി മൗലവി വെള്ളമുണ്ട മുഖ്യപ്രഭാഷണം നടത്തും. ആറിന് പാണക്കാട് സയ്യിദ് ഹമീദലി ശിഹാബ് തങ്ങള്‍ സെന്ററിന്റെ ശിലാസ്ഥാപന കര്‍മ്മം നിര്‍വഹിക്കും. ഏഴിന് നടക്കുന്ന പൊതു സമ്മേളനം ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. കോഴിക്കോട് ഫാത്തിമ ഹോസ്പിറ്റല്‍ മാനേജിംഗ് ഡയറക്ടര്‍ ഡോ അബ്ദുള്ള മുഹമ്മദ് ചടങ്ങില്‍ അധ്യക്ഷനാകും. സമസ്ത സെക്രട്ടറിയും കേരള ഹജ്ജ് കമ്മിറ്റി ചെയര്‍മാനുമായ കോട്ടുമല ടി.എം ബാപ്പു മുസ്‌ലിയാര്‍ മുഖ്യാഥിതിയാകും. സമസ്ത സെക്രട്ടറി കൊയ്യോട് ഉമര്‍ മുസ്‌ലിയാര്‍ മുഖ്യപ്രഭാഷണം നടത്തും. സമസ്ത മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. സമസ്ത ജില്ലാ പ്രസിഡന്റ് കെ.ടിഹംസ മുസ്‌ലിയാര്‍, എന്‍ ശംസുദ്ധീന്‍ എം.എല്‍.എ, ഹസ്സന്‍ സഖാഫി പൂക്കോട്ടൂര്‍ എന്നിവര്‍ സംസാരിക്കും. മതരാഷ്ട്രീയ രംഗത്തെ പ്രമുഖര്‍ പങ്കെടുക്കും.


.