കല്‍പ്പറ്റ: എം.എസ്.എഫ് വയനാട് ജില്ലാ കമ്മിറ്റി ജില്ലയിലെ കോളജ് യൂനിറ്റ് എം.എസ്.എഫ്, ഹരിത ഭാരവാഹികള്‍ക്കായി സംഘടിപ്പിക്കുന്ന ഏകദിന ശില്‍പശാല സി സമ്മിറ്റ് ഇന്ന് മുട്ടിലില്‍ നടക്കും.
സംസ്ഥാനത്ത് വിദ്യാഭ്യാസ രംഗത്തെ പ്രശ്‌നങ്ങള്‍ ചര്‍ച്ച ചെയ്യപ്പെടുന്ന ശില്‍പശാലയില്‍ ജില്ലയുടെ വിദ്യാഭ്യാസ പ്രശ്‌നങ്ങളും വിദ്യാര്‍ഥികളുടെ യാത്രാപ്രശ്‌നം, വിദ്യാര്‍ഥികള്‍ക്കിടയില്‍ വര്‍ധിച്ച് വരുന്ന ലഹരി ഉപയോഗം ഉള്‍പ്പടെയുള്ള വിഷയങ്ങളും ചര്‍ച്ചയാകും.
പരിപാടി രാവിലെ 10ന് എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസ് ഉദ്ഘാടനം ചെയ്യും.
മുസ്‌ലിം ലീഗ് ജില്ലാ ജനറല്‍ സെക്രട്ടറി കെ.കെ അഹമ്മദ് ഹാജി, ട്രഷറര്‍ എം.എ മുഹമ്മദ് ജമാല്‍, യൂത്ത് ലീഗ് ജില്ലാ പ്രസിഡന്റ് യഹ്‌യാഖാന്‍ തലക്കല്‍, ജനറല്‍ സെക്രട്ടറി പി ഇസ്മായില്‍, സി.എച്ച് ഫസല്‍ സംസാരിക്കും.
വിവിധ സെഷനുകളില്‍ കെ.എസ്.ടി.യു ജില്ലാ പ്രസിഡന്റ് പി.പി മുഹമ്മദ് മാസ്റ്റര്‍, ഹരിത സംസ്ഥാന ജനറല്‍ സെക്രട്ടറി മുഫീദ തെസ്‌നി, അഡ്വ.എ.പി മുസ്തഫ, യൂനിവേഴ്‌സിറ്റി യൂനിയന്‍ വൈസ് ചെയര്‍മാന്‍ ഷമീര്‍ പാഴൂര്‍, ഫാറൂഖ് കോളജ് ചെയര്‍മാന്‍ ഫാഹിം അഹമ്മദ്, യു.യു.സി ഷുഹൈബ്, ജോയിന്റ് സെക്രട്ടറി നാജിയ തുടങ്ങിയവര്‍ സംസാരിക്കും. വിത്ത് ദി ലീഡേര്‍സ് സെഷനില്‍ മുസ്‌ലിം ലീഗ് ജില്ലാ സെക്രട്ടറിമാരായ ടി മുഹമ്മദ്, സി മൊയ്തീന്‍ കുട്ടി, കണ്ണോളി മുഹമ്മദ്, കല്‍പ്പറ്റ മണ്ഡലം പ്രസിഡന്റ് റസാഖ് കല്‍പ്പറ്റ, യൂത്ത് ലീഗ് മണ്ഡലം പ്രസിഡന്റ് കെയംതൊടി മുജീബ്, ജനറല്‍ സെക്രട്ടറി സി.ടി ഉനൈസ്, സി നൂറുദ്ദീന്‍ എന്നിവര്‍ വിദ്യാര്‍ഥികളുമായി സംവദിക്കും.