കോഴിക്കോട്: ഭരണഘടനയ്‌ക്കെതിരേ നടക്കുന്ന അതിക്രമങ്ങള്‍ ചെറുത്തുതോല്‍പിക്കുന്നതില്‍ വിദ്യാര്‍ഥികള്‍ക്കു ക്രിയാത്മകമായ പങ്കുവഹിക്കാനാകുമെന്നു സാമൂഹ്യ പ്രവര്‍ത്തക ശബ്‌നം ഹാഷ്മി. പാറോപ്പടി സില്‍വര്‍ ഹില്‍സ് ഹയര്‍ സെക്കന്‍ഡറി സ്‌കൂളില്‍ വിദ്യാര്‍ഥികളുമായി സംവദിക്കുകയായിരുന്നു അവര്‍.
സില്‍വര്‍ ഹില്‍സ് ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ ഡോ. ഫാ. ബിജു ജോണ്‍ വെള്ളക്കട അധ്യക്ഷനായി. സില്‍വര്‍ ഹില്‍സ് പബ്ലിക് സ്‌കൂള്‍ പ്രിന്‍സിപ്പല്‍ ഫാ. ജോണ്‍ മണ്ണാറത്തറ, ഫാ. പോള്‍ കുരീകാട്ടില്‍, രാജേന്ദ്രന്‍, പോള്‍ കല്ലാനോട്, കബിത മുഖോപാധ്യായ പങ്കെടുത്തു.