കോഴിക്കോട്: കേന്ദ്ര സര്‍ക്കാരിനു കീഴില്‍ പ്രവര്‍ത്തിക്കുന്ന ബോര്‍ഡ് ഓഫ് സെക്കന്‍ഡറി എജ്യുക്കേഷന്‍ ഗ്വാളിയോര്‍ മധ്യഭാരതിന്റെ സൗത്ത് ഇന്ത്യയിലെ ചുമതല എരഞ്ഞിപ്പാലം എയിംസ് ഇന്ത്യാ ട്രസ്റ്റ് എന്ന സ്ഥാപനത്തിനു നല്‍കിയതായി ചെയര്‍മാന്‍ ഡോ. മഹേഷ് ചന്ദ്രവന്‍ഷി വാര്‍ത്താസമ്മേളനത്തില്‍ അറിയിച്ചു. മധ്യപ്രദേശ് ആസ്ഥാനമായുള്ള സ്‌കൂള്‍ കേരളത്തില്‍ കോഴിക്കോട്, മലപ്പുറം, പാലക്കാട്, തിരുവനന്തപുരം ജില്ലകളില്‍ പ്രവര്‍ത്തിക്കുന്നുണ്ടെന്നും അദ്ദേഹം വ്യക്തമാക്കി. ഓപണ്‍, പ്രൈവറ്റ് എന്നീ വിഭാഗങ്ങളില്‍ എസ്.എസ്.എല്‍.സി, പ്ലസ്ടു വരെയാണ് ഇവിടെ ക്ലാസുകള്‍ നല്‍കുന്നത്. സൗത്ത് ഇന്ത്യ ഇന്‍ ചാര്‍ജ് എം. ഇക്ബാല്‍, ചീഫ് സെക്രട്ടറി ഹരേന്ദ്ര സിങ്, റണ്‍ബീര്‍ സിങ്, റിഷിപാല്‍ സിങ്, ഗംഗാധര്‍ ധ്വിവേദി വാര്‍ത്താസമ്മേളനത്തില്‍ പങ്കെടുത്തു.