കാസര്‍കോട്: എസ്.വൈ.എസ് സംസ്ഥാന വ്യാപകമായി നടത്തിയ മെമ്പര്‍ഷിപ് കാംപയിന്റെ ഭാഗമായി കാസര്‍കോട് ജില്ലാ കമ്മിറ്റി ഭാരവാഹികളെ തെരെഞ്ഞെടുത്തു. കാസര്‍കോട് സിറ്റി ടവര്‍ ഹോട്ടല്‍ കോണ്‍ഫറന്‍സ് ഹാളില്‍ വച്ച് നടന്ന ജനറല്‍ കൗണ്‍സില്‍ യോഗം സമസ്ത ജില്ലാ ജന. സെക്രട്ടറി യു.എം അബ്ദുല്‍ റഹ്മാന്‍ മൗലവി ഉദ്ഘാടനം ചെയ്തു. സമസ്ത ഇസ്‌ലാം മത വിദ്യാഭ്യാസ ബോര്‍ഡ് സെക്രട്ടറി എം.എ ഖാസിം മുസ്‌ലിയാര്‍ ചടങ്ങില്‍ അധ്യക്ഷനായി.സയ്യിദ് ടി.കെ.പൂക്കോയ തങ്ങള്‍, സയ്യിദ് ഹാദി തങ്ങള്‍,നാസര്‍  ഫൈസി കൂടത്തായി,മെട്രോ മുഹമ്മദ് ഹാജി,ഖത്തര്‍ ഇബ്രാഹിം ഹാജി,അബ്ബാസ് ഫൈസി പുത്തിഗെ,സയ്യിദ് നജ്മുദ്ധീന്‍ തങ്ങള്‍,എസ്.പി.സലാഹുദ്ധീന്‍,സൈഫുല്ല തങ്ങള്‍ ഉദ്യാവാര,ബഷീര്‍ വെള്ളിക്കോത്ത്,അബ്ദുല്‍ സലാം ദാരിമി ആലംപാടി,താജുദ്ധീന്‍ ദാരിമി പടന്ന,ഹാരിസ് ദാരിമി ബെദിര  തുടങ്ങിയവര്‍ യോഗത്തില്‍  സംസാരിച്ചു.നാസര്‍ ഫൈസി കൂടത്തായി തെരെഞ്ഞെടുപ്പ് നിയന്ത്രിച്ചു.
സയ്യിദ് ടി.കെ പൂക്കോയ തങ്ങള്‍ ചന്തേര  (പ്രസിഡന്റ്),അബൂബക്കര്‍ സാലൂദ് നിസാമി (ജനറല്‍ സെക്രട്ടറി),മെട്രോ മുഹമ്മദ് ഹാജി (ട്രഷറര്‍) അബ്ബാസ് ഫൈസി പുത്തിഗെ,പി.എസ്.ഇബ്രാഹിം ഫൈസി പള്ളംകോട്,യു.സഹദ് ഹാജി,പി.വി.അഹമ്മദ് ശരീഫ്(വൈസ് പ്രസിഡന്റ്),കണ്ണൂര്‍ അബ്ദുല്ല മാസ്റ്റര്‍,അഷ്‌റഫ് മിസ്ബാഹി,ഇ.പി ഹംസത്തു സഅദി,മൊയ്തീന്‍കുഞ്ഞി മൗലവി  കുന്നുംകൈ  (ജോ. സെക്രട്ടറിമാര്‍). എസ്.പി സലാഹുദ്ധീന്‍,ഹംസ ഹാജി പള്ളിപ്പുഴ, അബ്ദുല്‍ അസീസ് അശ്‌റഫി പാണത്തൂര്‍, സയ്യിദ് ഹാദി തങ്ങള്‍ (ഓര്‍ഗനൈസിങ് സെക്രട്ടറിമാര്‍). എം.എ.ഖാസിം മുസ്‌ലിയാര്‍ (മജ്‌ലിസുന്നൂര്‍ അമീര്‍) എന്നിവരെ യോഗം  തെരെഞ്ഞെടുത്തു.